logo4

යාචකයෙකුටවත් යමක් නොදෙන තණ්හා සිත ගැළවීම සඳහා ලොකුම බාධාවක් – ශුද්ධෝත්තම අපොස්තුළුතුමා ප්‍රකාශ කරයි

මම නිතරම උත්සාහ කරන්නේ ඔයගොල්ලන්ව පුළුවන් තරම් පාපයෙන් අහකට අරගෙන, අඳුරින් හැකිතාක් ආලෝකයට ගන්ඩ. පාපයෙන් අයින් කරලා, පිනට ලැදි පුද්ගලයන් පිරිසක් බවට පත් කරන්න. ඒකට තමයි ලොකූ කැපකිරීමක් කරන්නේ. ඒකට තමයි මම ලොකු උත්සාහයක් දරන්නේ, ඔයගොල්ලන්ට ඒ තත්ත්වය ඇති කරන්න.

අති උත්තම රොහාන් ලලිත් අපොන්සු ශුද්ධෝත්තම අපොස්තුළුතුමා මෙම වදන් ප්‍රකාශ කරනු ලැබුවේ, 2019 නව වසරට ආසිරි පැතීමේ, නව අවුරුදු දිව්‍ය පූජාව අවස්ථාවේ දේශණය පවත්වමින් කටුනායක අප ස්වාමිදූගේ සිද්ධස්ථානයේ, දර්ශණ දෙව්මැඳුර තුලදීයි.

2019 නව වසරට ආසිරි පැතීමේ දිව්‍ය පූජාව දර්ශණ දෙව්මැඳුර තුල දී ආරම්භ වූයේ 2018 දෙසැම්බර් 31 වෙනි දින මධ්‍යම රාත්‍රියේ දී යි. ශුද්ධෝත්තම අපොස්තුළුතුමන්ගේ ආශිර්වාදය ඇතිව නව අවුරුද්ද ආරම්භ කිරීම සඳහා විවිධ ප්‍රදේශයන්ගෙන් කටුනායක අප ස්වාමිදූගේ සිද්ධස්ථානය වෙත පැමිණ සිටි සැදැහැවතුන්, දර්ශණ දෙව්මැඳුර තුලත් සිද්ධස්ථාන භූමියේත් රැස්ව සිටි අතර, ඔවුන් හමුවේ නව අවුරුදු දිව්‍ය පූජාව පවත්වමින් ශුද්ධෝත්තම අපොස්තුළුතුමා, නව අවුරුද්ද සඳහා අවවාද රැසක් කියා දුන්නේ සිනහ මුසු මුහුණින් යුතුවයි. නව අවුරුද්ද ආරම්භයත් සමගින් රැස්ව සිටි සැදැහැවතුන්ව ද සිනහ ගන්වමින් උන්වහන්සේ ජනතා හදවත්වලට අමතනු ලැබීම සැමගේ ම සතුටට හේතුවක් වුනා.

ගමන් බිමන් යන විට, නොයෙකුත් ස්ථානවල දී අත දිගු කරන යාචකයන්ට කිසිම විටක පිටු නොපා ඔවුන්ට යමක් පරිත්‍යාග කරන ලෙසත් පැවසූ ශුද්ධෝත්තම රොහාන් ලලිත් අපොන්සු අපොස්තුළුතුමා, යාචකයන්ට සුළු මුදලක් පරිත්‍යාග කිරීමෙන් ඔබ යාචකයෙක් බවට පත් නොවන බවත්, ඔවුන් ද කෝටිපතියන් නොවන බවත් ප්‍රකාශ කරනු ලැබුවේ විවිධ උදාහරණයන් ද පෙන්වා දෙමිනුයි. යාචකයන්ට යමක් පරිත්‍යාග කිරීමෙන් ඔවුන් කෝටිපතියන් වේ යයි ඔබ තුල ඊර්ෂ්‍යාවක් ඇත්නම්, ඊට බියක් ඇතිකර නොගෙන, අනුකම්පා සිතින් යුතුව, හදවතින්ම පරිත්‍යාගය කරන ලෙස උන්වහන්සේ ඉල්ලා සිටියා.

ඇතැම් යාචකයන් යමක් ඉල්ලන්නේ නැතිව, හඳුන් කූරු පැකට්, කපුරු බෝල පැකට් වැනි යම් භාණ්ඩයක් මිළ දී ගන්නා ලෙස ඉල්ලා සිටින අවස්ථාවන් ඇති බවත්, එම භාණ්ඩ ඔබට අවශ්‍ය නැතත් ඔවුන්ව හිස් අතින් හරවා යවන්නේ නැතිව, ඔවුන්ගෙන් යමක් මිළ දී ගන්නා ලෙස පැවසූ ශුද්ධෝත්තම අපොස්තුළුතුමා, වැඩි දුරටත් යෝජනා කර සිටියේ, මිළ දී ගත් භාණ්ඩය ඔබට අනවශ්‍ය නම්, ඔහුට යම් උපකාරයක් ලෙස කරනු ලැබූ මිළ දී ගැනීමක් නම්, එම භාණ්ඩය ආපසු ඔහුටම ප්‍රධානය කරන මෙන්ය. කැමතිනම් භාණ්ඩයට ගෙවිය යුතු මුදලටත් වඩා යමක් ප්‍රධාන කරන ලෙස ඉල්ලා සිටි ශුද්ධෝත්තම අපොස්තුළුතුමා, එසේ කරනු ලැබීමෙන් කිසිදු හිඟයක් ඇති නොවන බව ද පැහැදිලි කරදෙනු ලැබුවා.

තව දුරටත් සැදැහැවතුන් අමතමින් ශුද්ධෝත්තම රොහාන් ලලිත් අපොන්සු අපොස්තුළුතුමා ප්‍රකාශ කරනු ලැබුවේ, අඩු තරමින් යාචකයන්ට යමක් පරිත්‍යාග කිරීමෙන් තණ්හාවෙන් ඈත් වන්නට පුහුණුව ආරම්භ කල යුතු බවත්, දන් දීමට මනුෂ්‍යයා තුල ඇති අකමැත්ත ගැළවීම සඳහා ලොකුම බාධාව බවත්, නමුත් රෙදි පිළි සඳහා, රන් ආභරණ සඳහා මුදල් දන් දීමට කිසිදු මැලි බවක් නොදක්වන බවත්, එවැනි දේ සඳහා මැලි බවක් නොදක්වන්නේ ද සිත තුල තණ්හාව පවතින නිසා බවත් උදාහරණ සහිතවම පැහැදිලි කර දෙනු ලැබුවා. එවැනි මිළ දී ගැනීම් තමන්ගේම සිතට තෘප්තියක් ලබා ගැනීම පිණිස සිදු කරන්නාක් මෙන්, යමක් ඉල්ලා අත දිගු කරන කිසිවෙකුටවත් පිටු නොපා තෘප්තිමත් සිතකින් යුතුව යමක් ප්‍රධානය කර සතුටට පත්වන ලෙසත් ශුද්ධෝත්තම රොහාන් ලලිත් අපොන්සු අපොස්තුළුතුමා ප්‍රකාශ කරනු ලැබුවා.

2019 නව අවුරුදු ආසිරි මංගල දිව්‍ය පූජාව අවස්ථාවේ දී ශුද්ධෝත්තම රොහාන් ලලිත් අපොන්සු අපොස්තුළුතුමා, කටුනායක අප ස්වාමිදූගේ සිද්ධස්ථානයේ, දර්ශණ දෙව්මැඳුරේ ප්‍රධාන පූජාසනයේ සිට සිනහසෙමින් සැදැහැවතුන් අමතනු ලැබූ අවස්ථාවයි, මෙම ඡායාරූප

සියලු පුවත්

මරිය තුමිය දැන් අපට අයිතියි, මරිය තුමී දැන් අපෙයි. එතුමියව අපට දුන්නේ ජේසුස් ස්වාමින් වහන්සේයි

ශුද්ධෝත්තම අපොස්තුළුතුමන්ගේ මෑණියන් ස්වර්ගස්ථ වී වසර නවයක් සම්පූර්ණ වෙයි

නිර්මල කන්‍ය මරිය තුමියව සියැසින් දැකගනු ලැබූ අපොස්තුළුතුමෙක් විසින් ලියනු ලැබූ යාච්ඤාව උච්චාරණය කිරීමෙන් මේ වන විට විශාල සංඛ්‍යාවක් මරිය තුමියගේ ප්‍රබල අනුග්‍රහය ලබා ඇත

යාචකයෙකුටවත් යමක් නොදෙන තණ්හා සිත ගැළවීම සඳහා ලොකුම බාධාවක් – ශුද්ධෝත්තම අපොස්තුළුතුමා ප්‍රකාශ කරයි

කුරුසිය දෙපස සිටි වරදකරුවන් දෙදෙනාම ජේසුස් ස්වාමින් වහන්සේට අපහාස කළා ද – ශුද්ධෝත්තම රොහාන් ලලිත් අපොන්සු අපොස්තුළුතුමා ප්‍රශ්ණයක් මතු කරයි

කන්‍ය මරිය මාතාවෝ අද අප අතරම ජීවමාන වෙමින් ශ්‍රී ලංකාවේ කටුනායක අප ස්වාමිදූගේ සිද්ධස්ථානයේ සිට අපට සැනසුම ලබා දෙන සේක – දෙව් මවුන්ට පිදෙන හාස්කම් යාච්ඤාව ලබන සෙනසුරාදාත් සවස 5 ට

බුදු රජාණන්වහන්සේ වින්දා වූ අප්‍රමාණ දුක් වේදනාවන් නිසාමයි මේ මහළු මවුපියන් අද මේ ස්ථානයේ සැනසීමෙන් ජීවත් වන්නේ – ශුද්ධෝත්තම අපොස්තලික පියතුමාණෝ පවසති

කුඩා දරුවන්ට ස්වර්ග සැපතත්, නිවන් සැපතත් රහසින් පතන පුරුද්ද ගැන ශුද්ධෝත්තම අපොස්තලික පියතුමා හෙළි කරනු ලබයි

ශුද්ධවූ බයිබලය නමින් ග්‍රන්ථයක් කිසිදු අපොස්තුළුතුමෙකු පාවිච්චි කරනු ලැබුවේ නැත

Copyright © 2007 - 2019 Apostolic Media Networks. All Rights Reserved.